![]() |
كورسات مجانية من جوجل |
تخيل كده إنك قاعد في البيت قدام الكمبيوتر أو حتى الموبايل، وبتتعلم حاجة جديدة بكل سهولة ومن غير ما تدفع ولا جنيه! أيوه، دي مش مبالغة، جوجل النهاردة مش بس محرك بحث، دي كمان منصة ضخمة بتقدم لك كورسات مجانية في مجالات كتير، وده مش مجرد تعليم سطحي، لا دي كورسات بتقدم لك شهادات معتمدة تقدر تضيفها لـ CV بتاعك وتفتح لك أبواب فرص كثيرة في سوق العمل.
واغلبنا كشباب بنواجه تحديات كثيرة، من أهمها ازاي نطور من نفسنا ونتعلم مهارات جديدة من غير ما نتكلف كتير، وهنا بتيجي أهمية كورسات مجانية من جوجل، اللي بقت من أهم الأدوات اللي ممكن تعتمد عليها علشان تطور مهاراتك في مجالات زي التسويق الرقمي والبرمجة وتحليل البيانات وغيرها كتير.
وده كله وانت قاعد في مكانك، بتتعلم بسرعتك الخاصة، وتحصل على شهادة معترف بيها تقدر تضيفها لأي فرصة شغل مستنيها.
أفضل المجالات المتاحة في كورسات جوجل المجانية
لو بتسأل نفسك إيه أفضل كورسات مجانيه من جوجل والمجالات اللي ممكن تتعلمها، خليني أقولك إنك هتتفاجئ بالتنوع الكبير اللي بيقدموه! من أول التسويق الرقمي لحد تحليل البيانات، وهتلاقي إن الكورسات دي بتغطي أهم وأحدث المهارات المطلوبة في السوق.
مثلا، لو عندك شغف بالتكنولوجيا، هتلاقي كورسات عن الذكاء الاصطناعي وتطوير التطبيقات والأمن السيبراني، ولو حابب تفهم أكتر عن العالم الرقمي وكيفية التعامل مع الداتا وفي كورسات قوية في مجال تحليل البيانات وإدارة المشروعات، حتى لو مش مجالك هتقدر تتعلم حاجات زي التسويق الرقمي والسيو عشان تقدر تروج لنفسك أو مشروعك الخاص.
والجميل إن كل ده بيحصل بالمجان، وفي أي وقت يناسبك يعني مفيش ضغط وقت أو مكان، وكل اللي محتاجه هو إنك تاخد قرارك وتبدأ.
والكورسات دي معمولة عشان تناسب كل المستويات، سواء كنت مبتدئ أو محترف، وكورسات مجانية من جوجل مش بتقدم لك مجرد كورسات، دي بتديك مفتاح لعالم مليان فرص، عشان تطور نفسك وتبني مستقبلك بإيدك.
المسار المهني عن الامن السيبراني من جوجل
المستوى: مبتدئ
اللغة: الإنجليزية
المدة: 6 شهور بمعدل 7 ساعات في الأسبوع
التقييم: 4.9 من 5
ما الذي ستتعلمه خلال هذا المسار من جوجل:
- التعرف على أهمية مجال الأمن السيبراني وتأثيره الكبير على المؤسسات
- كيفية تحديد المخاطر وطرق التخفيف منها
- وسائل حماية الشبكات والأفراد والبيانات، بالإضافة إلى تشفير المعلومات
- اكتساب مهارات عملية في استخدام لغات البرمجة مثل بايثون ولينكس وSQL
مسار جوجل لتحليل البيانات
المستوى: مبتدئ
اللغة: الإنجليزية
المدة: 6 شهور بمعدل 10 ساعات في الأسبوع
التقييم: 4.8 من 5
ما الذي ستتعلمه خلال هذا المسار من جوجل:
- اكتساب فهم شامل لكل ما يتعلق بتحليل البيانات
- تعلم مهارات التحليل من جوجل
- كيفية تنظيف وتنظيم البيانات استعدادًا للتحليل باستخدام SQL ولغة R
- كيفية تمثيل البيانات بشكل فعال
كورسات مجانية من جوجل للتسويق الالكتروني
المستوى: مبتدئ
اللغة: الإنجليزية
المدة: 6 شهور بمعدل 10 ساعات في الأسبوع
التقييم: 4.8 من 5
ما الذي ستتعلمه خلال هذا المسار من جوجل:
- دراسة أساسيات التسويق الإلكتروني من مهارات جوجل
- كيفية جذب العملاء والتفاعل معهم على منصات التواصل الاجتماعي المختلفة
- قياس الأداء وتحليل النتائج
- إنشاء متجر إلكتروني من الصفر
مسار جوجل للدعم الفني
المستوى: مبتدئ
اللغة: الإنجليزية
المدة: 6 شهور بمعدل 10 ساعات في الأسبوع
التقييم: 4.8 من 5
ما الذي ستتعلمه من خلال مسار جوجل:
- اكتساب مهارات متعلقة بمجال الدعم الفني من جوجل
- كيفية التعامل مع جميع المهام المرتبطة بهذه الوظيفة
- تقديم الدعم الفعال للعملاء من خلال كورسات it معتمدة
- استخدام أنظمة التشغيل المختلفة لتوفير الدعم
مسار جوجل لإدارة المشاريع
المستوى: مبتدئ
اللغة: الإنجليزية
المدة: 6 شهور بمعدل 10 ساعات في الأسبوع
التقييم: 4.8 من 5
ما الذي ستتعلمه من خلال مسار جوجل:
- اكتساب المهارات الأساسية من جوجل الضرورية في هذا المجال
- تعلم كيفية إنشاء مستندات المشاريع بشكل فعال
- كيفية تأسيس مشاريع قانونية
- استراتيجيات متنوعة لإدارة المشاريع
مسار جوجل لتعلم تصميم UX
المستوى: مبتدئ
اللغة: الإنجليزية
المدة: 6 شهور بمعدل 10 ساعات في الأسبوع
التقييم: 4.8/5
ما الذي ستتعلمه خلال هذا المسار:
- اتباع الخطوات المتعلقة بالتصميم.
- فهم أساسيات البحث UX.
- تطبيق المفاهيم الأساسية الخاصة ب UX.
- إنشاء portfolio محترف.
كيفية الحصول على شهادة معتمدة من جوجل بعد إتمام الكورسات
لو نفسك تحصل على شهادة معتمدة لكورسات مجانية من جوجل بعد ما تخلص كورساتهم المجانية، فأنت على الطريق الصح! الموضوع أبسط مما تتخيل وأنت بتقدر تعمل ده بخطوات سهلة وفي وقتك الخاص، أول حاجة محتاج تركز عليها إنك تختار الكورسات اللي بتقدّم شهادة بعد ما تخلصها، ومش كل الكورسات عليها شهادة، فعشان كده لازم وانت بتختار تتأكد إن الكورس اللي هتاخده عليه شهادة معتمدة.
وبعد ما تخلص الكورس وتنجح في كل المهام المطلوبة منك، زي الاختبارات أو المشاريع الصغيرة اللي بتكون جزء من الكورس، هيتبعتلك إشعار أنك مؤهل للحصول على الشهادة، وهنا يجي الجزء الجميل، وهو أن جوجل بتبعت لك الشهادة دي على حسابك مباشرة أو على البريد الإلكتروني اللي مسجل بيه، وبتقدر تحمّل الشهادة بصيغة PDF وتحتفظ بيها عندك.
والشهادة دي مش مجرد ورقة! دي تعتبر توثيق معترف بيه إنك أنجزت الكورس وفهمت المحتوى كويس، وده بيفتح ليك أبواب فرص كتيرة، وسواء كنت بتدور على شغل جديد أو حتى عايز تطوّر من نفسك في مجالك الحالي، الشهادة دي بتكون دليل قوي إنك شغال على تطوير مهاراتك بشكل مستمر.
والأجمل كمان إن الشهادات دي بقت معترف بيها بشكل كبير في كتير من الشركات العالمية والمحلية، يعني لما تحط الشهادة دي في CV بتاعك أو على LinkedIn، هيبان إنك بتاخد خطوات جادة في تطوير نفسك، والشركات بتحب تشوف الناس اللي عندها الدافع للتعلم المستمر.
فبالتالي، الحصول على شهادة معتمدة من جوجل هو خطوة كبيرة هتساعدك تقفز لقدام في مسيرتك المهنية، ومش مهم إنك تكون متمرس، المهم إنك تبدأ وتخلص الكورسات اللي بتناسبك، والشهادة هي وسيلتك لإثبات إنك قادر على مواكبة العصر، واستعدادك للتعلم هو اللي هيميزك عن غيرك!
اسئلة شائعة عن دورات جوجل المجانية
لو كنت بتفكر تبدأ دورات جوجل المجانية، أكيد عندك شوية أسئلة بتدور في دماغك، صح؟ خلينا نجاوب على أكتر الأسئلة الشائعة اللي بتيجي في بال أي حد حابب يبدأ.
هل الكورسات مجانية من جوجل فعلا؟
الإجابة بكل بساطة: أيوه، الكورسات دي مجانية تماما، وجوجل بتقدم مجموعة كبيرة جداً من الدورات التعليمية المجانية، وده ضمن مبادرتها لدعم التعلم الرقمي وتطوير المهارات، ومفيش أي رسوم أو مصاريف خفية، كل اللي عليك تعمله إنك تختار الكورس اللي يناسبك وتبدأ في أي وقت.
هل في شهادات بعد ما أخلص الكورس؟
كتير من الكورسات دي بتقدم شهادات معتمدة بعد ما تخلصها بنجاح، والشهادة دي بتكون وثيقة معترف بيها إنك خلصت الكورس وفهمت كل المحتوى المطلوب، والشهادة دي هتكون إضافة قوية في ال CV بتاعك، وكتير من الشركات بتشوفها كدليل على انك بتطور من نفسك بشكل مستمر.
هل في وقت محدد لإنهاء الكورس؟
الجميل في دورات جوجل المجانية إنك بتاخدها على مزاجك! مفيش وقت معين لازم تخلص فيه، وبتقدر تتعلم في أي وقت يناسبك على حسب جدولك، يعني لو انت مشغول طول اليوم، تقدر تتعلم في وقت فراغك بالليل، أو حتى في نهاية الأسبوع.
هل لازم يكون عندي خبرة تقنية عشان أبدأ؟.
الإجابة لا، ودورات جوجل المجانية متقسمة لمستويات مختلفة، يعني في كورسات للمبتدئين اللي معندهمش أي خبرة تقنية، وكمان في كورسات متقدمة للي عايزين يعمقوا معرفتهم في مجالات معينة زي البرمجة أو التسويق الرقمي.
ويمكنك معرفة طريقة التسجيل في دورات جامعة هارفارد من هنا
ازاي تاخد كورسات من جوجل؟
ببساطة، كل اللي عليك تعمله إنك تدخل على منصة جوجل التعليمية، وتختار الكورس اللي انت مهتم بيه، وتبدأ التسجيل بحساب جوجل بتاعك، ومفيش تعقيد، وكله بسيط وسهل.
كل الأسئلة دي بتدور في دماغ أي حد جديد على الكورسات دي، وعشان كده، جوجل دايماً بتحرص على تسهيل الأمور وتقديم أفضل تجربة تعلم ممكنة، ومتترددش تبدأ واتعلم حاجات جديدة، لأن كل معلومة بتضيفها لنفسك هي خطوة لقدام في حياتك المهنية!
وفي النهاية، لو أنت فعلا عايز تغير حياتك وتطور من مهاراتك، متفوتش الفرصة دي، وكورسات مجانية من جوجل هي بوابتك لعالم مليان فرص، ومن غير ما تدفع حاجة ومن غير ما تضيع وقتك في تعليم ممل، والفكرة هنا إنك تستغل وقتك بطريقة ذكية، وتبدأ تبني مستقبلك بمحتوى مجاني من واحدة من أكبر الشركات في العالم، ومش مهم أنت فين أو إيه مجالك، جوجل قدمت لنا هدية لازم كل واحد فينا يستغلها.
فلو لسه متردد، ابدأ دلوقتي، وسجل في أول كورس يشدك. كل خطوة صغيرة بتاخدها هتحسسك انك أقرب لأهدافك، والمستقبل بين إيديك، فماتضيعش الفرصة وابدأ رحلتك مع كورسات جوجل المجانية تعادل شهادة جامعيةالنهاردة.
ويمكنك متابعه سلسة كورسات مجانية وسلسة العمل الحر وسلسة وظائف علي موقعنا Skills and Business
تعليقات
إرسال تعليق