مواقع هتخليك تبدأ محادثه بالانجليزي مع نيتف سبيكر يوميًا

مواقع هتخليك تبدأ محادثه بالانجليزي مع نيتف سبيكر يوميًا

لو كل شويه بتسأل نفسك: "هو أنا إمتى هقدر أعمل محادثه بالانجليزي من غير ما أتردد؟"

 فـ خليني أقولك إنك محتاج حاجه أهم من الحفظ والدراسة…

 محتاج تتكلم، وتتكلم بجد مع نيتف سبيكر وتغلط وتتعلّم من غلطك.

النهارده بقى، الدنيا أسهل بكتير من زمان، دلوقتي فيه مواقع تفاعلية بتخليك تعمل محادثه انجليزيه مع نيتف سبيكر ببلاش ومن غير ما تدفع ولا مليم! وكل ده وانت قاعد في بيتك، لابس بيجامتك، وشابك السماعة… وتقول: "هاي، واتس يور نيم؟"

يعني مش محتاج تسافر ولا تدفع في كورسات، المواقع دي بتفتحلك باب لمحادثه الانجليزي بشكل طبيعي وسهل.

أنواع مواقع محادثه الانجليزي

فيه مواقع ذي:

1. موقع تتكلم فيه مع ناس من كل حته في العالم، وانت تساعدهم يتعلموا عربي وهم يساعدوك في الانجلش
2. ومواقع تانيه تفتح التطبيق، تدوس زرار، تلاقي نفسك فـ نص محادثه انجلش صوت وصوره
3. وفيه منصات تديك سيناريوهات جاهزه، يعني تحطك فـ موقف وتخلّيك ترد كأنك في الواقع، تتكلم وتسمع وتغلط وتتعلم

ولو لسه مش حاسس إنك جاهز تدخل تتكلم مع بشر، فيه كمان تدريب على الشات مع الذكاء الصناعي.

 تدخل على تشات GPT، تقوله مثلاً: "عايز أتمرن على محادثه انجليزيه في المطعم"

وهتلاقيه بيتكلم معاك كأنك بتطلب أكل حقيقي..بس ماتنساش ان ده تدريب وليس بديل عن الحقيقة.

الجميل كمان إنك لما تبدأ تتكلم كل يوم حتى لو خمس دقايق، هتلاقي نفسك اتغيرت،

 الكلام بقى يطلع لوحده، والثقه زادت، والخوف اختفى.

 وده هو الفرق الحقيقي بين اللي بيتعلم وبين اللي بيتكلم!

قد يفيدك أيضا: أفضل 7 برامج محادثة انجليزي مجانية

أفضل مواقع محادثه بالانجليزي 

فـ لو ناوي تبدأ من النهارده، ابدأ صح…

 دور على موقع يناسبك، وابدأ أول محادثه انجليزي مع نيتف سبيكر من غير خجل.

 حتى لو الجمله طلعت نصها غلط، مفيش مشكله… المهم إنك بدأت.

وجهزتلك قايمه بأفضل المواقع اللي تقدر تبدأ بيها محادثه بالانجليزي مع نيتف سبيكر ببلاش 

وكل موقع فيهم ليه ستايله وطريقته، اختار اللي يريحك وابدأ على طول:

1- Tandem

موقع مشهور جدًا لتبادل اللغات، تكتب إنك بتتكلم عربي وعايز تتعلم إنجليزي، وهو يوصلك بناس نيتف سبيكرز عايزين يتعلموا منك.

وتقدر تتكلم معاهم صوت أو فيديو أو شات

2-  Speaky

منصة بسيطة جدًا وسهله، تقدر تلاقي ناس فـي نفس مستواك أو أعلى وتبدأوا مع بعض محادثه انجليزيه حقيقيه.

3- Lingbe

أبسط وأسرع طريقه تبدأ تتكلم حالًا.

 تدوس زرار، ويوصلك بحد بيتكلم إنجليزي، وتبدأوا محادثه انجلش صوتيه على طول.

4- HelloTalk

موقع فيه شات كتابي وصوتي، وناس كتير من كل العالم. 

وممكن تتكلم وتسأل النيتف اسبيكر ويصححلك.

5- ConversationExchange

لو بتحب الطريقة الكلاسيك شوية، ده موقع بسيط بس فعّال. بتدور على شركاء محادثه، وتكلمهم على سكايب أو واتساب مثلًا.

كل اللي عليك دلوقتي إنك تدخل واحد من مواقع محادثه بالانجليزي، وتعمل حساب بسيط، وتبدأ أول خطوة.

ومفيش حد بيتعلم يتكلم غير لما يتكلم… ومفيش طريق للطلاقة غير إنك تغلط وتعيد وتحاول وتكمل.

قد يفيدك أيضا: سلسة تعلم اللغات من منصة Skills and Business