ما هي اقسام كلية العلوم ( المطلوبة في سوق العمل حاليا )

ما هي اقسام كلية العلوم

ما هي اقسام كلية العلوم ؟

للطلبة اللي لسة داخلة كلية علوم

ستجد هنا أفضل أقسام كلية علوم المطلوبة في السوق حاليآ و نبذة مختصرة عن مجالات عمل كلية العلوم لأغلب الأقسام

هيا بنا نتعرف عليها :-

أفضل أقسام علوم المطلوبة في السوق حاليآ :-

عندك في مصر حوالي 24 تخصص . ( لو عاوز تعرف مجالات عمل أقسام كليه العلوم و باقي ال 24 قسم كمل المقالة للآخر )

الاقسام اللي فوق دة دايمآ فرص شغلها متوفرة و باستمرار

( و باقي الاقسام ذي جولوجيا و فيزياء و رياضة و حاسب آلي جامدة برضك بس لازم تشتغل علي نفسك كويس علشان تلاقي شغل فيه )

و لو انت شايف قسم معين هو الأفضل و تقدر تبدع فيه اختار اللي بتحبه من غير كلام

اقسام كلية علوم جامعة القاهرة :-

و لمعرفة اقسام كلية علوم جامعة القاهرة و كل ما يخص الكلية إضغط هنا

اقسام كلية علوم عين شمس :-

و لمعرفة اقسام كلية علوم عين شمس و الدرجات العلمية و الدراسات العليا و كل ما يخص الكلية إضغط هنا

ما هي اقسام كلية العلوم ( نبذة مختصرة عن مجالات العمل لأغلب الأقسام ) :-

ـ كيمياء خاص: شغله: فى معامل التحاليل ، شركات الادويه ، شركات الاسمده ، مستحضرات التجميل والسكر والمياة والكهرباء ومصانع الزيوت والدهون والصابون والمنظفات الصناعية والدهانات وصناعة البطاريات والسبائك والحديد والصلب ، السلامه والصحة المهنية ، وبيفضل فى الكيمياء الشرعية.

______________________________________

- كيمياء تطبيقية : هوهو نفس شغل كيمياء خاص ..بس كيمياء تطبيقية بيفضل فى المجال التطبيقى والصناعى

______________________________________

ـ كيمياء/كيمياء حيوي: شغله: نفس شغل قسم كيمياء خاص + التحاليل الطبية ، وشركات ومصانع الادوية ، والمستحضرات الطبية ، ومعاهد الاورام ، ومعاهد السرطان ومصانع كتير زى بتروكيماويات والخميرة وغيرها ويستحسن تاخد دبلومه التحاليل الطبيه او دبلومة الكيمياء الحيوية

 ______________________________________

ــ كيمياء/ ميكروبيولوجي: شغله: نفس شغل قسم كيمياء خاص + التحاليل الطبية وشركات الادويه والمستحضرات الطبية ، ومعاهد الاورام ، ومعاهد السرطان و57357 وفى المستشفيات ومعامل الميكروبيولوجي ،

فى مصانع وشركات الادويه لانه بيدرس الكائنات اللي بتنتج المضادات الحيويه ، والمزارع البكتريه ،

وفى تحليل الفيروسات والطحالب والفطريات ،شركات الكيماويات ، تنقيه المياه فى شركات المياة ، و شركات الاغذية و شركات الالبان ،

وله الافضليه هو وقسم الكيمياء الحيوية فى شغل بعض شركات الادوية وفى شغل التحاليل الطبية داخل مصر

وهما الوحيدين المعترف بهم كاخصائيين بعد عمل دبلومة فى التحاليل خارج مصر (السعودية)

______________________________________

ـ كيمياء/حيوان: شغله: نفس شغل قسم الكيمياء + التحاليل الطبيه ، وفي اطفال الانابيب ، شركات الادوية ، الحقن المجهري ، بنوك الدم ، المركز الطبية لعلم الاجنة ومراكز البحوث وغيرها

______________________________________

ــ كيمياء/نبات: شغله: نفس شغل قسم الكيمياء + تحاليل الطبية ، شركات الادوية ، معامل تطوير الزراعة ، شركات الاسمدة والكيماويات ، المجالات البيئية ، منظمات حماية البيئة وغيرهم

______________________________________

ــ كيمياء/حشرات: شغله: نفس شغل قسم الكيمياء+ المجال الاكاديمي ومعامل التحاليل وشركات الادويه ، معامل البحوث الزراعيه ، وفى وزارة الزراعة ، مصانع المبيدات الحشرية ، ومراكز مكافحة الحشرات وغيرها.

______________________________________

ــ كيمياء/علوم بحار وأسمالك : قسم علوم البحار من الأقسام المميزه لأنة موجود فى بعض الجامعات

منهاة جامعة الأزهر والأسكندرية والسويس وبورسعيد :

شغلة: نفس شغل قسم الكيمياء + المؤسسات التعليمية و البحثية الأكاديمية والمحميات الطبيعيه والإستشعار عن بعد

هذا بالإضافة إلي فرص العمل في الشركات العاملة في مجالات عديد منها: المزارع السمكيه والأدوية والتكنولوجيا الحيوية ، الأغذية والزراعة والاستشارات البيئية، والحياة البحرية والعمل فى المفرخات والعمل فى مجال الغذاء الطبيعى للأسماك و العمل فى مصانع التعليب والحفظ والعمل فى إدارة المصايد .

______________________________________

ــ كيمياء/ بيولوجياجزيئية : شغلة: نفس شغل قسم الكيمياء + الأبحاث مثل تطوير الأدوية وتصنيع البروتينات العلاجية

وتطوير الفحوصات المعملية كالكشف عن الأمراض المستعصية

ويعمل أيضا فى المجال الصناعى وخصوصا فى مجال التكنولوجيا الحيوية كا انتاج الوقود الحيوى من البكتيريا

ويعمل فى المجال الأكاديمى كباحث.

______________________________________

ـ علوم البيئة :شغلة : اخصائي بيئه -اخصائي سلامه وصحه مهنيه -اخصائي صحه بيئه -

وفى جهاز شؤن البيئة وفي الشركات والمصانع والمستشفيات

ويعمل فى ضبط جودة المياه، والإدارة البيئية وموارد الطاقة ودعمها ، وإدارة النفايات وإعادة التدوير ، والحفاظ على الطبيعة وفى مجال تخطيط التضاريس ،

أو الهندسة البيئة أو مدرسين فى هذا المجال ، ومجال البحوث والتطوير، الرعاية الصحية،

أيضاً شركات القطاع العام تحتاج إلى خريجين من دراسات العلوم البيئية للأغراض الإستشارية،

كما توجد فرص وظيفية فى مجالات الخدمات البترولية التجارية.

______________________________________

ـ جيولوجيا خاص : شغله: شركات البترول ، المياة ، المعادن ، المناجم ، الابار والاثار واى حاجة من تحت الارض

ومعظم شغله صحرا وسفر وفي اوفيس بردو والهيئة القومية للاستشعار عن بعد وعلوم الفضاء والمراصد الجيولوجية وشركات التعدين ،

المسمى الوظيفي مهندس جيولوجى

______________________________________

ـ كيمياء/جيولوجيا: نفس شغل قسم كيمياء خاص +شغل جيولوجيا خاص

______________________________________

جيوفيزياء: شغله: شركات البترول والمياة والمعادن والمناجم والابار والاثار اى حاجة من تحت الارض

ومعظم شغله صحرا وسفر وفي اوفيس بردو والهيئة القومية للاستشعار عن بعد وعلوم الفضاء والمراصد الجيوفيزيقية وشركات التعدين ،

المسمى الوظيفي مهندس جيولوجى

______________________________________

ــ علوم البترول الجيولوجية: القسم موجود فى كلية العلوم جامعات القاهرة والاسكندرية والمنيا والاسماعيلية وبورسعيد والمنوفية والمنصورة واسيوط والزقازيق وغيرهم وفى بعض الجامعات القسم *ببلاش* زى السويس وبورسعيد والمنيا فى البعض الاخر بمصاريف زى اسيوط ب 7 الاف واسكندرية ب 11 الف ، وفى القاهرة ب 12 الف جنية + 10% زيادة سنوية،

والقسم مش حلو للبنات لان اغلب شغله فى الصحراء وفيه سفر كتير ،

المسمى الوظيفى : جيوفيزيائى او مهندس جيولوجي زى اقسام جيولوجيا وجيوفيزياء ،

مشكلة القسم ان شغله صعب تلاقيه ولدرجة ان فى ناس تقولك معكش واسطة متدخلوش لانك مش هتلاقى شغل ،

وشغله هو نفس شغل اقسام جيولوجيا وجيوفيزياء بالظبط

______________________________________

ـ فيزيا خاص:شغله: معيد في اي جامعة خاصة او في هيئة الطاقة النووية او في مصانع الاجهزه الكهربيه ومصانع الحديد والفحم ، وشغل اكاديمي يعني باحثين في مراكز البحوث وفي مدينة زويل واعضاء هيئة تدريس فالجامعات او باحث في الجامعات الاجنبية ووكالات الفضاء والمفاعلات النووية بس دة خارج مصر، وفيزيائى طبى فى معاهد الاورام ، وفى مصانع البتروكيماويات و الزجاج ، مدرس فيزياء

______________________________________

ــ بيوفيزياء خاص: شغله: فى المستشفيات والمعاهد الطبيه زي الاورام والليزر والقصر العينى و57357 ، البحوث النوويه ، بحوث الاشعاع والاشعاعات واثرها علي الخلايا ، المركز القومى للبحوث ، معهد بحوث امراض العيون ، التصوير الاشعاعى والعلاج الاشعاعى ، الطاقة النووية والذرية زى مركز البحوث النووية وشركات الاجهزة الطبية والمناظير وغيرها

______________________________________

ــ كيمياء/فيزياء: شغله: نفس شغل قسمى الكيمياء والفيزياء

______________________________________

ــ فيزياء/فلك: زي فلك خاص بس باخد نص المواد فيزياء والنص الفلك ،شغله: نفس شغل قسمى فيزياء وفلك ،

______________________________________

ــ فيزياء/علوم جويه: كوبي بيست من اللي فوقيه ، بجانب انك ليك فرصه انك تشتغل في برج المراقبه في المطار علشان تشوف حالة الجو هاتسمح للطائرات تقلع ولا لأ

______________________________________

ــ بيوتكنولوجي: القسم موجود فى كلية علوم جامعات كتير زي القاهرة واسكندرية وحلوان والمنصورة والزقازيق وبنها والسويس وغيرهم فى بعض الجامعات القسم ببلاش زى علوم بنها والسويس وبعضها بمصاريف زى المنصورة وحلوان والاسكندرية ،

وفى القاهرة ب 12 الف جنيه في السنة + 10% زياده كل سنه شغله:

له نفس شغل اقسام كيمياء حيوي وميكروبيولوجى وكيمياء حيوان و (بره مصر)

بيشتغل فى المستشفيات لعلاج الامراض الوراثيه باستخدام تطبيقات البيوتكنولوجى فى الصناعة والزراعة

وفي معامل التحاليل اللي فيها تقنيات تحاليل DNA وغيرها

______________________________________

ـ علوم حاسب خاص: ولو اتخرجت بتقدير جيد تقدر تقدم فى منحة وزارة الاتصالات (ITI) ، وشغله: فى وحدات تكنولوجيا المعلومات ، مطور برامج ، مصمم او مطور شبكات ، مطور تطبيقات الموبايل ، مطور جافا ، مصمم قواعد بيانات وغيرها ،

______________________________________

ـ رياضيات خاص : شغله: فى المجال الاكاديمي ومعامل الابحاث او فى مراكز الاحصاء والمتابعة او مدرس

______________________________________

ـ رياضة/حاسب : نفس الكلام ونفس الشغل بس الفرق ان هنا بدرس نص المواد رياضه ونصها حاسب .

______________________________________

ـ رياضة/احصاء: نفس الكلام بس بتاخد نص دراستك رياضه ونصها التانى احصاء

______________________________________

ــ رياضة/فيزياء: شغله: مدرس او في معامل الابحاث وغيرها

______________________________________

ــ رياضه/فلك: بدرس مواد رياضه و مواد فلك و شغله في مصر في مرصد حلوان

______________________________________

ــ فلك خاص: شغله: فى مرصد حلوان والقطامية وبمركز الاستشعار عن بعد وبالمركز القومي للبحوث الفلكية وهيئة الطاقة الشمسية والمركز القومي للفلزات وغيره

______________________________________

و أخيرآ ماتسمعش كلام الناس المحبطة

اسعي و اعمل اللي عليك و المستقبل دة بأيد ربنا و شوف انت حابب اه و شايف نفسك فين