 |
| كورسات إنجليزي مجانية للمبتدئين من مواقع موثوقة |
حابب تطور مستواك في الإنجليزي ومش لاقي بداية واضحة؟ نفسك تلاقي كورسات إنجليزي مجانية للمبتدئين من مواقع موثوقة تمشي معاك واحدة واحدة من أول الطريق ومن غير ما تدفع؟ تعالى نشاركك شوية تجارب لناس بدأت زيك، وندلك على أماكن تقدر تبدأ منها بكورس انجليزي اونلاين معتمد ومن منصات موثوقة وسمعتها كويسة.
ليه اصلاً تتعلم انجليزي؟
بص يا سيدي، الإنجليزي بقى مفتاح لكل حاجة. شغل؟ لازم انجليزي. تسافر؟ برضه انجليزي، حتى لو بتتفرج على فيلم، هتحتاج تفهم الجمل من غير ترجمة، وعشان كده، محتاج تبدأ كورسات انجليزي مجانية اون لاين بشهادات معتمدة ترفع بيها مستواك وتفتح لك أبواب كتير قدام.
أماكن تقدر تبدأ فيها كورسات إنجليزي ببلاش اون لاين
صدقني، الموضوع أسهل مما تتخيل، كل اللي محتاجه شوية إرادة وكوباية شاي، وابدأ في واحده من دول:
- FutureLearn: دا موقع جامد جدًا وبيقدملك كورس انجلش بريتش كانسل (المجلس الثقافي البريطاني) ببلاش، وبتاخد شهادة كمان بعد ما تخلصه
- Alison: فيه كمية كورسات انجلش مش طبيعية، من أول القواعد لحد المحادثات
- EdX و Coursera: دول بيقدمو كورسات انجليزي اونلاين معتمدة من جامعات عالمية، ممكن تدرس من بيتك وانت لابس بيجامتك وتاخد شهادة من هارفارد مثلًا
- موقع المجلس الثقافي البريطاني: طبعًا دا المكان الموثوق فيه بنسبة مليون في المية، ولو بتدور على افضل اماكن كورسات انجلش، يبقى ابدأ من هنا وانت مغمض.
طيب لو بدور على كورس انجليزي معتمد؟
بص لو عايز شهادة تبروزها وتحطها في الـCV، يبقى لازم تدور على كورسات إنجليزي اللي بتكون فيها شهادة موثقة بعد الامتحان النهائي، ودا متوفر جدًا في المنصات اللي فوق، خصوصًا:
- Coursera: تاخد شهادة من جامعة زي Duke أو Arizona
- British Council: شهادة محترمة جدًا ومعترف بيها دوليًا
- EdX: شهادة معتمدة وتدخل بيها أي شركة وانت رافع راسك
قد يفيدك أيضا: تحميل كورس power english كامل لتعلم اللغة الإنجليزية مجاناً
طب فين أماكن كورسات انجلش على أرض الواقع؟
لو حابب تتعلم وجه لوجه وعايز تحس بجو الكلاس الحقيقي، فدي بعض اماكن كورسات انجلش اللي الناس بتشكر فيها:
- المعهد البريطاني: معروف طبعًا، ومستواه عالمي.
- الأميديست: شغل جامد برضه، والمحاضرين هناك محترفين.
- الجامعة الأمريكية في القاهرة: لو انت من سكان القاهرة، دي من افضل اماكن كورسات انجلش فعلًا
قد يفيدك أيضا: أفضل قنوات تيليجرام تعليم انجليزي
نصائح صغيرة قبل ما تبدأ
- متتكسفش لو مستواك صفر، كلنا بدأنا كده
- خلي عندك التزام، حتى لو نص ساعة كل يوم
- اسمع انجليزي في وقت فراغك، بودكاست – أغاني – أفلام
- واحجز كورس انجليزي معتمد لو نفسك تشتغل بره أو تقدم على منحة
لو ركزت شوية، هتلاقي إنك تقدر تطور نفسك أونلاين وانت في بيتك، ومعاك شهادة كمان، أهم حاجة تبدأ النهاردة، مش بكرة. وافتكر، الإنترنت مليان كورسات إنجليزي مجانية اون لاين بشهادات معتمدة، بس اللي بينجح هو اللي بيكمل، مش اللي بس بيبدأ.
يلا، شد حيلك، وافتح أول كورس، وخلي الإنجليزي صاحبك الجديد.
قد يفيدك أيضا: موقع محادثة انجليزي اون لاين مجانا
تعليقات
إرسال تعليق