 |
| إزاي تاخد كورسات من Harvard وStanford ببلاش؟ |
فاكر زمان لما كنا بنقعد ندور على الكورسات ونلاقي الأسعار نار؟ طب إيه رأيك بقى لما أقولك إنك ممكن تاخد كورسات مجانية من جامعات زي Harvard و Stanford وكمان بشهادات معتمدة؟ آه والله، الموضوع بقى سهل وبسيط، بس محتاج منك شوية فضول وشغف إنك تطور من نفسك.
طب إزاي؟ وهنبدأ منين؟
بص يا سيدي، أول حاجة لازم تعرف إن في دلوقتى دورات مجانية عن بعد، يعني مش محتاج تروح مكان ولا تسافر ولا حتى تدفع، كل اللي عليك كم جهاز وإنترنت، وانت تمام.
في مواقع عالمية بتقدم كورسات من جامعات تقيلة، يعني تخيل كده إنك قاعد في بيتك وبتتعلم من محاضرين Harvard، من غير ما تدفع دولار واحد!
قد يفيدك أيضا: مواقع كورسات مجانية معتمدة
أشهر المنصات اللي بتفتح لك أبواب العلم ببلاش
1- edX (موقع كورسات مجانية اون لاين بشهادات معتمدة)
بتقدم كورسات مجانية من جامعات عالمية زي MIT و ستانفورد وهارفارد، وتقدر تتعلم من غير ما تدفع ولا جنيه، والتسجيل كمان مجانى، ولو حابب تاخد شهادة في الآخر بتدفع مبلغ رمزي بس، إنما المحتوى كله متاح ببلاش.
2- Coursera (كورسات مجانية بشهادات معتمدة)
دي جنة الكورسات، فيها كل حاجة تتخيلها، و بتقدملك كورسات مجانية بشهادات معتمدة كمان ومش لازم تدفع، في حاجة اسمها financial aid تقدر تقدم عليه وتاخد الكورس كامل ببلاش.
3- مواقع عربية تقدم دورات مجانية عن بعد
فيه كذا موقع عربي كمان بدأوا يدخلوا في اللعبة، ومنهم مواقع بتجمعلك كل الكورسات دي في مكان واحد، زي كورساتي وإدراك ومهارة ورواق وغيرهم.
قد يفيدك أيضا: كورسات جوجل المجانية
إزاي تاخد كورسات مجانية من Harvard و Stanford ببلاش؟
لو أنت فعلاً عايز تطور نفسك، الفرصة قدامك، والنت مليان كورسات مجانية في كل مجال تتخيله، كل اللي محتاجه منك شوية نية، وكم ساعة فاضية، وفضول تتعلم.
بص يا سيدي، مفيش حاجة هتتحرك من مكانها الا لما تاخد أول خطوة، فـادخل على edX أو Coursera، شوف الكورس اللي يستهويك وسجل، يمكن تكون دي أول خطوة في طريق يغير حياتك.
لو ظهرلك خيار "Audit the course" أو "Enroll for free"، دوس عليه وانت مطمن، ولو حابب شهادة، ممكن تطلب دعم مادي أو تستنى عرض من المنصة.
إزاي تستفيد لأقصى درجة من أي كورس مجاني؟
بص يا صاحبي، الكورسات المجانية مش مجرد فيديوهات بتتفرج عليها وأنت بتاكل فشار، دي كنوز لو عرفـت تمسكها صح، ممكن تفتح لك أبواب مكانتش على البال، وأول حاجة، اختار كورس فعلاً يهمك مش لمجرد إن عنوانه حلو، لأنك لو مش حابب المحتوى هتزهق بعد تاني فيديو.
وأهم سر؟ عامل الكورس كانك دافع فيه فلوس! يعني خصص له وقت، خليك ملتزم، خد نوتس، وسجل أسئلتك، ولو في منتدى للكورس، ادخله واتفاعل، اسأل وجاوب، حتى لو حسيت إنك مش خبير، التفاعل بيعلمك أكتر من الفرجة بس.
كمان، حاول تطبق اللي بتتعلمه أول بأول، ومتستناش تخلص الكورس كله، لأن التطبيق هو اللي بيرسخ المعلومة، ولو الكورس فيه شهادة، متفكرش إنها مجرد ورقة، دي ممكن تحطها في LinkedIn وتبقى فرق واضح في البروفايل بتاعك.
المهم بقى، متقعدش تتنطط من كورس لكورس وخلاص، خليك مركز في واحد واتقنه، وبعدين خش ع اللي بعده، وساعتها بس هتلاقي نفسك ماشي بخط ثابت، ومكسبك مش بس معلومة... لا، ده مستقبل بيتبني خطوة بخطوة.
ويمكنك متابعه سلسة الكورسات المجانية من منصتنا
تعليقات
إرسال تعليق