أفضل 10 مواقع كورسات مجانية معتمدة

أفضل 10 مواقع كورسات مجانية معتمدة

فيه مواقع كورسات مجانية بشهادات معتمدة ممكن تخلّي سيرتك الذاتية تقلب جامد وكمان فيه مواقع كورسات مجانية عربية بشهادة معتمدة تخلّيك تتعلم بلغتك وبكل سهولة.

طيب ليه الشهادة مهمّة أصلاً؟

ماهو مش كل يوم بتاخد كورس أونلاين، وتقوم جايب شهادة كده آخره، ترفعه على لينكدإن وتتمنظر بيه قدام الـ HR 

 بس بجد بقى، الشهادة بتفرّق، خصوصًا لو من مواقع كورسات بشهادات معتمدة. دي بتثبت إنك مش بس اتفرجت على فيديوهات، لا، انت فهمت وذاكرت ونجحت كمان!

أفضل 5 مواقع كورسات مجانية معتمدة​

 1- كورسيرا – Coursera

منصة تقيلة بمعنى الكلمة، فيها كورسات من جامعات زي ستانفورد، ييل، جوجل، وغيرها.

 تقدر تدرس الكورس ببلاش، ولو حبيت شهادة بتدفع مبلغ بسيط، والجميل إنك بتتعلم من دكاترة حقيقيين وبطريقة أكاديمية.

2- إدراك – Edraak

لو بتدور على مواقع كورسات مجانية عربية بشهادة معتمدة، فإدراك هي أول اسم لازم تفكر فيه.

 منصة عربية شغالة بتعاون مع مؤسسات تعليمية كبيرة، وكورساتها متنوعة وسهلة الفهم، ومعاها شهادة ببلاش.

3- رواق – Rwaq

كمان منصة عربية، بس مختلفة شوية، فيها كورسات جامدة من ناس متخصصين في مجالات زي التسويق، البرمجة، القانون، وغيرهم.

 الشرح سهل، والشهادة بتوصلك أونلاين بعد ما تخلص الكورس.

4- يوديمي – Udemy

أكبر منصة كورسات أونلاين في العالم. مش كل الكورسات فيها مجانية، بس لو دورت شوية، هتلاقي كورسات ببلاش وفيها شهادة كمان!

 الكويس فيها إنك بتتعلم بسرعة وبأسلوب عملي جدًا.

5- edX

من افضل مواقع كورسات مجانية بشهادات معتمدة وهي منصة عالمية برعاية جامعات زي MIT وهارفارد.

 فيها كورسات جامدة جدًا، والمحتوى مجاني بالكامل، بس لو عايز الشهادة بتدفع مبلغ رمزي. بس يعني، شهادة من MIT؟ تستاهل كل قرش!

6- FutureLearn

منصة بريطانية مميزة، فيها كورسات من جامعات أوروبية وأمريكية.

 الشرح بسيط، والمحتوى عملي، وتقدر تخلص الكورس في أسبوعين مثلًا. وفيه شهادة معتمدة كمان.

7- Alison

موقع مجاني ١٠٠٪، فيه كورسات في كل المجالات، والجميل إنك بتاخد شهادة كمان لو خلصت الكورس بنسبة نجاح كويسة.

 لو عايز شهادة مطبوعة، بتدفع، لكن نسخة إلكترونية مجانية.

8- LinkedIn Learning

ده جزء من لينكدإن، وكان زمان اسمه Lynda.

 فيه كورسات احترافية جدًا، خصوصًا في البيزنس والـ Soft Skills، ولو عندك حساب بريميوم، تقدر تتعلم وتاخد شهادة تحطها في البروفايل فورًا.

9- مهارة تك – Maharat Tech

منصة عربية مقدمة من وزارة الاتصالات المصرية، وبتعلمك حاجات زي البرمجة، التسويق، التصميم، وكلها باللغة العربية وبشهادات معتمدة.

10- أكاديمية حسوب

من أفضل مواقع كورسات بشهادات معتمدة للناس اللي شغالة أو عايزة تشتغل في مجالات زي البرمجة أو العمل الحر.

 المنهج احترافي، والشرح باللغة العربية، وفي نهاية الكورس بيكون فيه شهادة بتوضح مستواك الحقيقي.

قد يفيدك أيضا: أفضل مواقع كورسات مجانية عربية بشهادة معتمدة

 إزاي تختار أفضل مواقع كورسات مجانية بشهادة معتمدة المناسبة ليك؟

خدها مني كده على بلاطة:

لو بتحب تتعلم بالعربي؟

 يبقى إدراك ورواق همّ اللي يشيلو الشيلة

لو نفسك تزود CVك بكورسات عالمية؟

 كورسيرا وفيوتشر ليرن هيبقوا أنسب مواقع كورسات مجانية معتمدة​ ليك.

ولو عايز حاجات عملية وسريعة؟

 خش على يوديمي… شوية ضغطات وهتلاقي كورسات بجنيهات قليلة أو حتى ببلاش!

إزاي تختار الكورس المناسب؟

بص يا صاحبي، الإنترنت بقى مليان كورسات من كل شكل ولون، لدرجة إنك ممكن تضيع وقتك تدور بدل ما تتعلم! فـ قبل ما تضغط "Enroll"، خد نفسك وفكر شويه:

 إنت عايز تتعلم ليه؟ بتدور على شغل؟ عايز تطوّر مهارة؟ ولا بتتعلم حاجة جديدة من باب الفضول؟ لما تجاوب على السؤال ده، هتعرف تختار الكورس اللي يخدمك فعلًا.

كمان خد بالك من شوية حاجات مهمة زي: محتوى الكورس، تقييم الناس ليه، مين اللي بيشرح، ومدته قد إيه؟ والأهم من ده كله: في شهادة؟ ولا لأ؟ عشان في الآخر تبقى متعلم ومُعترف بيك.

ولو لقيت نفسك محتار بين كذا كورس، ابتدي بحاجة خفيفة، جرّب، وشوف انت مرتاح لمين، لأن التعلم لازم يكون ممتع، مش وجع دماغ.

قد يفيدك أيضا: حقق طموحاتك مع كورسات مجانية من جوجل

 خلاصة الكلام…

ما تستناش الفرصة، إنت اصنعها بنفسك!

 كل اللي محتاجه شوية وقت ونيّة إنك تتعلم، والباقي سهل والدنيا مليانة مواقع كورسات مجانية بشهادات معتمدة… مش لازم تدفع ولا مليم، وكل اللي عليك إنك تركز وتبدأ.

وحط في بالك إنك لما تخلّص الكورس وتحط الشهادة في ملفك، هتحس بإحساس الإنجاز اللي مالوش حل.

وآخر كلمة مني ليك، لو لسه بتفكر تبدأ ولا لأ، أحب أقولك: قوم دلوقتي وافتح أول كورس. وخلّي أول شهادة معتمدة تبقى بداية الطريق الجديد ليك.

ويمكنك متابعة سلسة الكورسات المجانية