 |
| موقع كورسات مجانية اون لاين بشهادات معتمدة |
بص، لو نفسك تطوّر من نفسك وتزود حاجة تقيلة كده في السي ڤي من غير ما تدفع ولا مليم، فـ أنت في المكان الصح!
فيه دلوقتي مواقع جامدة جدًا بتقدّم كورسات اون لاين مجانية، وكمان بـ شهادات معتمدة تقدر تفرد بيها عضلاتك في أي مقابلة شغل.
ليه أصلاً تتعلم اونلاين؟
لأن الدنيا كلها بقت ماشية ديچيتال
كل المهارات المطلوبة دلوقتي بقيت موجودة في دورات اون لاين
والأحلى؟ إنك تقدر تتعلّم من بيتك، بـ كوباية شاي، وفي البجامة!
موقع كورسات مجانية اون لاين بشهادات معتمدة
- Coursera: مشهورة جدًا، فيها كورسات من جامعات عالمية، وكمان شهادات لو خلصت الكورس كله
- Edraak: منصة عربية فخمة، فيها كورسات بالعربي في مجالات كتير جدًا
- LinkedIn Learning: فيها حاجات تخص الشغل والتطوير المهني، وساعات بيبقوا عاملين تخفيضات أو فري ترايل
- منصات كورسات مجانية زي Khan Academy أو FutureLearn
ودايمًا متنساش تدوّر على كورسات لايف كوتشينج اون لاين مجاناً لو بتحب تطوير الذات
كل دي حاجات بتزود قيمتك، سواء في الشغل أو حتّى لو حابب تفتح مشروعك الخاص.
طب إيه الجديد اللي ممكن تتعلمه؟
الدنيا بتتغيّر بسرعة، ودي شوية مجالات طالعة بقوة ولسه ناس كتير مش واخدة بالها منها:
- الذكاء الاصطناعي AI: ممكن تتعلمه من موقع كورسات مجانية اون لاين بشهادات معتمدة ذي موقع Google أو منصة OpenAI
- تحليل البيانات: مطلوب جدًا في كل المجالات
- التسويق الرقمي: وعشان كده فيه كورسات زي كورس marketing اون لاين مجانا
- اللايف كوتشينج: مجال بيكبر وناس كتير دخلته، فيه دلوقتي كورسات لايف كوتشينج اون لاين مجاناً
- الجودة وإدارة المشاريع: وده محتاج تبص على كورسات جودة اون لاين مجانا عشان تبقى عارف التفاصيل اللي بيفرق فيها أي مدير ناجح
قد يفيدك أيضا: مواقع كورسات مجانية معتمدة
كورسات قصيرة بس تأثيرها كبير
مش شرط الكورس يكون طويل علشان تستفيد
فيه كورسات اون لاين مدتها أقل من ساعة بس بتعلمك مهارات مطلوبة جدًا في الشغل
- زي كتابة السيرة الذاتية بشكل احترافي
- أو ازاي تستخدم أدوات زي Notion أو ChatGPT في الشغل
- أو حتى مهارات التواصل والعمل الجماعي
يعني الكورس الصغير ممكن يغير طريقة شغلك أو يخلي مديرك ياخد باله منك
كيفية اختيار دورات مجانية اون لاين بشهادات معتمدة مناسبة لك
مش كل كورس أونلاين ينفعك، ولا كل شهادة تضيفلك. فـ قبل ما تبدأ، اسأل نفسك:
- أنا عايز أتعلم الكورس ده ليه؟ علشان الشغل؟ ولا علشان اطور نفسي؟
- المحتوى متحدث؟ يعني فيه حاجات جديدة؟
- هل في شهادة في الآخر؟ ولو في، هل هي شهادة معتمدة ولا بس إفادة؟
- هل الكورس ده متقدم بلغة أفهمها؟ يعني لو لسه بادئ، خليك في كورسات بالعربي الأول وبعدين وسع
واختيار الكورس الصح هو أول خطوة للنجاح ومتخليش اسم الكورس يغريك، بص على التقييمات، واقرأ تعليقات الناس، وشوف الفيديوهات التمهيدية لو موجودة
قد يفيدك أيضا: سلسة الكورسات المجانية من منصتنا
إزاي تستخدم الشهادات دي وتعرضها بشكل يخطف؟
خدت كورس؟ جامد جدا
بس بقى السؤال: هتستخدم الشهادة دي إزاي بشكل يظهر مجهودك؟
جبنالك شوية أفكار تخلي أي شهادة تاخدها من موقع كورسات مجانية اون لاين بشهادات معتمدة تبقى أداة حقيقية تفتحلك فرص شغل وتخلي البروفايل بتاعك شكله احترافي.
1- السي ڤي (CV)
اعمل قسم في الـ CV تحت اسم: شهادات ودورات تدريبية
حط اسم الكورس بالضبط زي ما هو مكتوب في الشهادة
اذكر المنصة، يعني مثلًا: Coursera, Edraak, Google Digital Garage
حط التاريخ اللي خلصت فيه الكورس
لو فيه مشاريع أو تطبيقات عملية جواه، اكتبها باختصار، الناس بتحب تشوف شغل فعلي مش مجرد شهادة
مثال بسيط:
- كورس: Fundamentals of Digital Marketing
- المنصة: Google Digital Garage
- التاريخ: مايو 2025
- تعلمت أساسيات التسويق الإلكتروني، وتحليل البيانات، وإنشاء حملات Google Ads
قد يفيدك أيضا: اماكن كورسات icdl معتمدة
2- LinkedIn يا بطل!
بروفايلك على LinkedIn هو وشك قدّام أي شغل
فـ كل شهادة بتاخدها، حطها بالطريقة دي:
افتح صفحتك على LinkedIn
ادخل على قسم Licenses & certifications
حط اسم الكورس والمنصة، ولو فيه رابط للشهادة، نزله
ماتكسلش تكتب بوست بعد ما تخلص كل كورس، قول للناس اتعلمت إيه واستفدت إزاي
الخطوات الصغيرة دي بتفرق جامد جدًا، وبتخلي اللي داخل يشوفك يقول: الشخص ده شغوف وبيتطور دايمًا
3- بورتفوليوك الشخصي
لو عندك موقع شخصي أو بورتفوليو، خصص صفحة للشهادات
سواء PDF أو صور للشهادات نفسها
وخلي الصفحة دي مريحة في التصميم وسهلة التصفح
حتى لو أنت في مجال غير تقني، زي كورسات لايف كوتشينج اون لاين مجاناً أو كورسات جودة اون لاين مجانا، وجود الشهادات دي في بورتفوليو بيخلي ليك شكل احترافي من الآخر.
قد يفيدك أيضا: كورسات جوجل المجانية
أخطاء ناس كتير بتقع فيها في التعلم اونلاين
- يبدأ الكورس ومايكملش!
- ياخد كورسات كتير في نفس الوقت ويتشتت
- ياخد الشهادة ويركنها، لا بيطبق ولا بيشاركها
- مايبذلش مجهود فعلي، بس يتفرج ويقفل
لو أنت ناوي فعلاً تستفيد، لازم تكون ملتزم حتى لو نص ساعة في اليوم
ولو في تطبيق عملي، جرب بإيدك
ما تتعلمش علشان تاخد شهادة وبس، اتعلم علشان تفهم وتبقى فاهم بتعمل إيه
أفضل النصائح للتعلم اون لاين بذكاء
- استخدم Notion أو Google Docs وسجل ملاحظاتك
- بعد ما تخلص كل كورس، اعمل له ملخص بصوتك أو اكتبه كأنك بتشرحه لحد تاني
- اشترك في جروبات أو مجتمعات مهتمة بنفس الكورس، سواء على فيسبوك أو Reddit
- لو قابلتك حاجة مش فاهمها، اسأل صاحبك Google
وخد بالك، الكورس مش بس إنك تتعلم، ده كمان إنك تعرف تسوّق لنفسك إنك اتعلمت
وكل مرة تاخد فيها شهادة من موقع كورسات مجانية اون لاين بشهادات معتمدة، اعتبرها خطوة تقربك من فرصة حقيقية وخليك دايمًا قدّام، لأن الناس اللي بتتعلم باستمرار هم اللي بيوصلوا أسرع.
قد يفيدك أيضا: سلسة الوظائف من منصتنا
تعليقات
إرسال تعليق